Vafasamur fréttaflutningur

Afskaplega finnst mér það hæpinn fréttaflutningur þegar valinn er nefndarmeðlimur (mér er sama í hvaða flokki hann er) og launum hans fyrir nefndarstarfið er skipt niður á þá fundi sem hann mætti á.

Er það virkilega svo að öll vinnan við að vera í þessum nefndum felist í því að mæta á 2ja tíma fundi öðru hvoru? Það eru þá helvíti ómerkilegar nefndir. Ég hefði haldið að almennt væri mesta vinnuframlagið hjá nefndarmeðlimum milli funda.

Auðvitað er furðulegt ef fólk mætir ekki nema á helming funda í nefndum sem greitt er stórfé fyrir setu í, en það er gríðarlega vafasamt að gefa í skyn að viðkomandi séu þá aðeins að vinna hálfa vinnuna sína.

Dræm mæting hjá Degi

Athugasemdir

[Óskar (IP-tala skráð) 5.11.2009 kl. 18:55]

Já er ekki verið að taka Dag sem dæmi því hann var að segja að Sigmundur Davíð væri ekki búinn að mæta á fundi í skipulagsnefnd.

Mér finnst það alls ekki vafasamur fréttaflutningur ... þeir sýna bara að Dagur skaut sig í fótinn með þessum tilraunum til að skjóta á Sigmund.

[Páll Jónsson, 5.11.2009 kl. 21:59]

Ef Dagur var að segja það þá getur hann svo sem lítið kvartað yfir þessu (enda er ég ekki að skrifa þetta til að verja hann).

En maður hefur heyrt fleiri dæmi um þetta heldur en Dag og Sigmund. Það er einfaldlega léleg og popúlísk fréttamennska að deila heildarlaunum svona niður á mætta fundi og segja "OMG hann er að fá 200 þús fyrir hvern fund!?!?!?!"