Málfrelsi

Ég hef á suman hátt orðið íhaldssamari varðandi málfrelsi eftir að hafa skrifað mastersritgerð um málið. 

Mér finnst að fólk verði að vera reiðubúið að verja staðreyndir sem það heldur uppi um annað fólk.

En varðandi grundvallarmálfrelsi, að Austurríki geri það að glæp að efast um helförina, að Frakkland geri það að glæp að efast um þjóðarmorð Tyrkja á Armenum... Það er fyrirlitlegt. Það er ógeðslegt. Það er fólgin í því mannfyrirlitning og hatur á sjálfum sér. Þú ert að banna sjálfum þér að heyra aðrar skoðanir, þótt þær séu e.t.v. fyrirlitlegar. 

Skammastu þín.

Skammast. Þú. Þín. 

Christopher Hitchens látinn

Ég ætla ekki að segja mikið um kallinn, flestir fremstu menningarvitar hins enskumælandi heims eru búnir að skrifa minningargreinar um síðan hann dó fyrir helgi.

Salman Rushdie segir hann hafa verið skemmtilegasta mann í heimi, Martin Amis sagðist myndu treysta honum í rökræður um hvaða efni sem er við Cicero, við Demosthenes. Mesti stílsnillingur samtímans. Besti ritgerðarsmiður síðan Orwell heyrist gjarnan.

Ég veit minnst um það, er hálfgerður menningaróviti. En Hitch var óhugnalega hæfileikaríkt eintak af manneskju.

Hálfgert átrúnaðargoð hjá mér.

Aldrei má maður eiga neitt fallegt.  

http://www.youtube.com/watch?v=QbBVB66DC5k

http://www.youtube.com/watch?v=hc6UdA3TtWY&feature=related 

Hvað vita læknar um þetta?

Læknar eru réttu mennirnir til að fræða okkur um skaðsemi áfengisneyslu, sem eflaust er afar skaðleg hvað sem verð áfengis er.

Þeir hafa hins vegar ekki sjálfkrafa neina þekkingu á því hver verðteygni áfengis er, þ.e. hversu mikið verðbreytingar hafa áhrif á neyslu.

Hræódýrt áfengi hættulegt

Ekki alveg sannleikanum samkvæmt

Börnunum er að sjálfsögðu frjálst að fara með faðirvorið í kirkjunni þangað til þau verða blá í framan.

Viðkomandi ríkisstarfsmenn verða bara að halda aftur af sér að hvetja til skipulagðrar hóptrúarjátningar. 

Bannað að fara með faðirvorið á aðventu

Ekki risaeðla

Ég er ekki sérfræðingur en ég er nánast (eftir wikipedialeiðangur alveg) viss um að svaneðlur voru ekki risaeðlur.

Þetta voru stór sjávarskriðdýr sem voru uppi á tíma risaeðlanna en sama má segja um krókódíla. Það gerir dýrin ekki að risaeðlum.

Fundu risaeðlu í olíusandi

Önnur frétt í þessu máli

Það eru allir að tala um ráðningu nafna míns í starfið og það er fullkomlega eðlilegt. Hann var með puttana í einkavæðingu bankanna á sínum tíma og allt það.

Mér þykir hins vegar enn merkilegra að skv. bréfi stjórnarinnar þá var hann eini umsækjandinn með meistaragráðu af nokkru tagi. Nú er þetta ágætlega launað svo ég skil þetta ekki alveg. Þetta er greinilega þvílíkt hryllingsdjobb að fólk vill ekki koma við það með priki. 

Telja Pál hæfastan

Dómstólar

Það skiptir engu hversað brenglaðar þjóðir verða. Meðan þær hafa þokkalega viti borna dómstóla, og framkvæmdavald sem er tilbúið að framfylgja ákvörðunum þeirra, þá er enn von.

Lögreglumaður skaut stjórnmálamann

Merkilegt.

Ég vona eiginlega að aðild Palestínu verði samþykkt, þrátt fyrir að þetta sé varla raunhæf hugmynd. Það er baráttumál skynsamra manna í Palestínu en kemur sturluðu öfgatrúðu fávitunum sem stjórna Gaza illa. Um hvað meira getur maður beðið?

Ég er ekki viss um að splundrað ríki Palestínu geti ráðið sér sjálft en allt er betra en ástandið núna

Kalla eftir friðarsamkomulagi

Já góðan daginn

Rick Perry er klárlega að spila inn á sitt fólk með þessu kjaftæði, en samt. Sorglegt að þetta sé það sem pólitíkusar þurfi að gera í voldugasta landi heimsins. 

Það er engin afsökun. Þessi kenning er það sem nútímalíffræði byggir á. Þú hljómar eins og fáviti, hvort sem þetta er kosningabrella eða ekki.

Sagði þróunarkenninguna vera kenningu með götum

Úff hvað þetta er vafasöm frétt

Að taka inn eða jafnvel auglýsa lyf með "mér finnst..." eða "Jóna frænka mín segir..." rökum er nógu óþægilegt þegar við erum að tala um öll þessi náttúrulyf, en þau hafa þó flest þann kost að gera ekkert nema létta hjá fólki veskið.

En þetta er alvöru lyf með alvöru virkni sem er ekki búið að skoða til hlítar! Ég veit ekki um aðra en ég þori a.m.k. ekki að fara að teygja mig mjög langt á bak við borðið í apótekinu á grundvelli reynslusögu frá Jónu frænku. 

LDN lofar víst bara nokkuð góðu í ákveðnum tilfellum, en þegar sölumenn á netinu sverja og sárt við leggja að eitthvað eitt lyf lækni nokkurn veginn allt nema ef viðkomandi er alvarlega dauður þá er yfirleitt rétt að passa sig aðeins.

Hefur fundið „kraftaverkalyf“